SAN ISIDRO, Davao del Norte - Mubalor sa P15 mil nga kantidad sa kwarta ang nahanaw sa usa ka Indian national nga gitulis sa wala mailhing tulisan sa Purok 1, Barangay Sabangan alas 12:30 sa udto, Sabado, Nobyembre 9.

Ang biktima giila nga si Sukhjinder Singh, 28-anyos, minyo, lending collector ug molupyo sa P-2A, Barangay Apokon, dakbayan sa Tagum.

Matud sa biktima nga padung na unta siya sa Barangay Sabangan sakay sa gimanehong motorsiklo dihang pag-abot sa mingaw nga lugar, usa ka wala pa mailhing mamumuno ang kalit lang mitumaw kilid sa dalan.

Ang armadong suspek nagsul-ob og itom nga t-shirt ug pantalon ug gitaptapan sab ang katunga nga bahin sa nawong niini.

Dugang sa biktima nga gipara siya sa suspek dayon og pahunong ug didto na nideklara og hold-up

Nakuha sa mga suspek nga kuwarta nga koleksyon sa biktima gikan sa iyang negosyo nga pautang.

Human sa tulis, ang suspek naglakaw nga mipalayo paingon sa sagbutong bahin sa dalan ug mitaho sa kapulisan.