MADASIGON nga miapil ang mga miyembro sa United Gays of Agdao (UGA) sa gihimo nga tree planting didto sa Barangay Lizada Beach, Toril, Davao City, Pebrero 21, 2020.

Ang aktibidad subay sa selebrasyon sa World Wetlands Day diin ang miyembro sa UGA misalmot niini agi'g partisipasyon sa mga kalihukan sa komunidad.

Una ang tree planting, gihimo ang coastal cleanup, dayon gisunod ang Mangrove (bakhaw) planting ingon man ang usa ka community education public awareness nga gipangunahan sa Department of Environment and Natural Resources (DENR)-Davao Region.

Aktibo ang UGA sa pagsalmot sa mga kalihukan sa komunidad uban sa koordinasyon sa ilang presidente nga si Rejie Boy Mingming.

Ang UGA usa lamang sa pipila ka mga aktibong organisasyon sa Lesbian, Gay, Bisexual, and Transgender (LGBT) sa Davao City.