NATIBWAY ang usa ka gituohang drug pusher kay misukol sa kapulisan sa Toril Police Station alas 2:50 sa hapon, Enero 11, 2021, didto sa Saavedra Street, Toril, Davao City.

Giila sa kapulisan sa Toril ang suspek nga si Antonio Asineta, alyas Tonix, residente sa Purok 3, Interior Agton Street sa Toril.

Sumala ni Police Major Michael Uyanguren, dugay na nilang gipanid-an ang ilegal nga lihok sa suspek, diin misangko nga mobaligya na kini og shabu, hinungdan nga natigayon ang operasyon.

Apan dihang sikupon na unta, giingong mibunlot kini og armas dayon gipusil ang operatiba hinungdan nga naniyutralisa kini.

Nakuha sa posisyon sa dinakpan ang .22 nga pusil ug mga pakite sa gituohang shabu nga mokantidad og P13,000.

Gihaya na ang suspek sa iyang mga kabanay.