NAGMAOY hinungdan nga nakulatahan kining usa ka panday human nasuko kay gibadlong nga undangon na ang pag-videoke kay dis-oras na sa kagabhion ug yabag pa kini og tingog sa miaging adlaw.

Usa ka Jerick Perez (bansagon gitago), 25, usa ka panday ug residente sa Barangay Matina Pangi, Davao City ang gidali og tambal sa miresponde nga Central 911 kay nagkadugo human siya gikulata sa iyang mga kaubang kustomer sa usa ka videokehan sa Magallanes ning siyudad.

Giingon nga gipaundang na og siyaok ang maong panday sa tag-iya sa videokehan kay dis-oras na sa kagabhion apan mikaransa ang suspek labi na kay giingnan siya og yabag og tingog sa iyang mga kaubanan, hinungdan nga nag-wild ang suspek ug nakulatahan. (Richy F. Nalagon)