SI JULITO Albiso sa Sta. Cruz, Davao del Sur ug Mary Joy Parocha sa Davao City milutaw nga maoy kampeyon sa Ultron Vertical KM 2019 gihimo sa Mt. Loay sa Sta. Cruz, Davao del Sur sa hinapos sa semana.

Si Albiso mioras og 53 minutos ug 57 segundos aron pildihon ang lain pang duha ka mga taga Sta. Cruz nga sila si Ronie Torlao ug Larry Mark Monang sa men's five-kilometer event.

Si Torlao mirehistro og oras nga 54:10 samtang si Moang dunay 54:21 aron nga mahiluna sa ikaduha ug ikatulong han-ay.

Sa bahin sa mga babaye, si Parocha nirehsitro og 1:20:23 aron nga biyaan ang mga kontra nga sila Mary-Ann Bequira sa Sta. Cruz ug Widmer Karin kinsa nahiluna sa sunod nga duha ka puwesto.

Si Bequira mihuman nga ikaduha uban sa oras nga 1:21:20 samtang si Widmer dunay 1:22:06 aron nga angkunon ang ikatulong puwesto.

Kinatibuk-ang 91 ka managanay nirehistro apan 85 lang ang natala isip mga opisyal "finishers."

Apan tulo ka mga managanay milapas na sa "cut-off". (MLSA)