SI CHRISTIAN Gian Karlo Arca maoy kampeyon sa Elimination sa PSC-NCFP Chess Academy Scholar-MDYCC Under-12 and Below Tournament nga gihimo sa University of Mindanao (UM) Student Study Hub sa nakalabay nga weekend.

Ang top seed Arca miiskor og ‘perfect five points’ aron unhan sila Namael Naetan Tapere ug Airon Fred Varian nga mihuman sa ikaduha ug ikatulong pwesto.

Si Tapere miangkon sa 4 ka puntos samtang si Varian mipildi sa laing tulo ka three-pointers via superior tiebreaks.

Si Arca miharus sa iyang mga kaatbang nga sila Paul Emmanuel Habaradas, Princes Dianna Simbajon, Aaron Aton, Tapere ug Yreil Josh Hernani.

Si Tapere, sa iyang bahin midaug sab kontra Dexter Franuel Egano, Beatrice Aton, Hernani and Gabrielle Aton.

Miyukbo siya kang Arca sa fourth round sa Swiss System format chessfest.