ANG Manila tim nga gilangkuban og kasamtangan ug kanhi miyembro sa Philippine Azkals national football team makigtigi sa men's open event sa 1st Hyenas Football Festival adlaw’ng Sabado ug Dominggo, Septyembre 8-9, sa Tionko Field, dakbayan sa Davao.

Atol sa Davao Sportswriters Association (DSA) Forum sa The Annex sa SM City Davao niadtong Huwebes, gipahayag ni Hyenas Football Club's Rex Rodriguez nga lakip sa maong tim mao sila Antonio del Rosario ug aktor Daniel Matsunaga alang sa Seven-A-Side tournament nga gisuportahan sa Pwersa ng Bayaning Atleta Representative Jericho Nograles.

“Mga 18 teams ang apil sa men's open. Di man sab siguro malupigan ang Davao teams kay naa man Davao Aguilas players ug veterans,” ni Rodriguez.

Ang duha ka adlaw torneyo gitugotan sa Davao Region Football Association nga dunay seven, eight, nine, 100, 11, 12, 16 ug women's open divisions. (Marizz R. Perez)