TAGUM CITY -- Gidaug ni Jireh Nehemiel Badilles ang ikalima nga bulawang medalya alang sa Davao City sa NCCC Mall Tagum human nibalik ang duha ka adlaw nga Batang Pinoy 2019 Mindanao Qualifying Leg karatedo nga kompetisyon sa NCCC Mall sa dakbayan Huwebes, Pebrero 7.

Gilabni ni Badilles ang bulawan sa kumite category boys 10-11 sa katapusang adlaw sa kombati sa karatedo human gipildi si Matthew Besonda sa Mati City.

Kini maoy dakong panimalos ni Badilles human mitapos lang og plata sa kata boys advance 10-11 event.

Nihakot ang karatekas sa Davao City og upat ka bulawan, usa ka plata ug upat ka bronse sa pagbukas Miyerkules.

Mga Dabawenyos nga nakabulawan mao sila si Alexander Blase (kata intermediate boys 10-11), Khyzzia Pauline Navarro (kata intermediate girls 14-15 and kumite girls 14-15 -54 kgs) ug Azumi Tacay (kumite girls 12-13 -150cm).

Ang nabronse mao sila Robert Laurence Avancena (kata intermediate boys 12-13), Aldrin Solon (kata intermediate boys 14-15), Gabriel Thomas Cornello (kata advance boys 12-13), ug John Philip Cagandahan (kata advance boys 14-15). (MLSA)