SI SYDNEY Sy Tancontian nga taga-Davao City mihatag og dungog sa Pilipinas human niya makuha ang bronse nga medalya sa women's +80 kilogram division sa 2019 Sambo World Cup Kharlapiev Memorial Competition sa Moscow, Russia, sa nakalabay nga weekend.

Ang 19-anyos nga si Tancontian mipildi sa mas taas ug dako nga si Alina Petronela Paunescu sa Romania, gipildi siya og tres puntos sa ilang dinumugay.

Apan ang Dabawenya nga milabni sab og bronse sa World Sambo Championships sa Bucharest, Romania, napildi sa taga-Russia nga si Olga Artoshina, rason sa pagbugno niya alang sa bronse nga medalya.

Si Tancontian nakarekober human gipildi ang taga-Espanya nga si Maria Rodriguez.

"I feel blessed po always na may guidance po from the Almighty. Marami pa po akong kailangan i-improve in terms of technique po. I feel po na yung bagong achievement ko po will not only boost my confidence and yung kumpiyansa sa sarili but for the whole Pilipinas Sambo community," suma niya nga buot sad nga dasigon ang ubang batan-ong atleta.

Isip usa sa labing bata nga magduduwa sa torneyo nga may partisipante gikan sa 33 ka nasud wa kini mihatag og kahadlok o kabalaka kang Tancontian.

Sigun niya, "In every competition po na sinasalihan ko, I never feel intimidated mapa bata man po ako kesa sa mga opponents ko kasi I believe na yung laro po will always have a 50/50 chance pag tapak namin ng mat. Naniniwala po ako na pag nilamon ka na ng inferiority you won’t be able to perform your best and get the best result."

Kuntento ug malipayon si Tancontian sa iyang kadaugan, dungan sa pag-ingong daghan pa siyag ipalambo sa kaugalingon alang sa mosunod nga torneyo.

Moapil siya sa training camp sa Russia karong Biyernes ug moabot Abril 1.

Tumong niy nga motigi sa Paris Grand Slam ug European Cup sa Hulyo, depende sab sa pundo.