ANG sixth seed Reynaldo de Guzman ang mibulsa sa UM Boys 2nd Mini Chess Tournament titulo sa Great View Resort sa Island Garden City of Samal niadtong Dominggo, Nobyembre 4.

Mitala si De Guzman og walo ka puntos sa 11-round Swiss System format competition nga gisundan ni Jimmy Dano nga dunay 7.5 puntos.

Sila Alexander Clavite ug lawyer Jong Guevarra, Jr. miiskor og pareho nga 7 puntos aron mabutang sa ikatulo ug ikaupat puwesto.

Ang misunod sa nga six pointers nga sila Alexander Jover ug Nofre Reyes, Arnold Jabilles (4.5 points), Cerilio Acas (4), Rey Amable (3) ug Paul Garcia (2).

Gipildi ni De Guzman si Giovani Pimentel, Garcia, Jabilles, Acas, Jover, Amable, Clavite ug Reyes apan pakyas kang Dano ug Guevarra diin mitabla siya og “bye” sa uwahing round.

Bahin ni Dano, nakakuha og pito ka daug ug usa tabla ug pildi og duha apan iyang ikaunom nga round kay “bye.”

Samtang si Clavite, mipildi sab og pito ka kalaban apan duna sab siyay tulo ka pakyas.

Mga partisipante sa single round robin tournament pulos mga kanhi varsity players sa University of Mindanao. (MLSA)