SI JESRAEL Rule nanguna sa Datba weekly singles tournament, Martes sa gabii, Hunyo 11, sa SM Lanang Premier Bowling Center.

Si Rule mipatumba og 623 pins sa three-game bowlfest nga giorganisa sa Davao Tenpin Bowlers Association (Datba) isip qualifying sa monthly finals.

Gipildi niya sila Mike Aquiatan nga nabutang sa ikaduha ug Rod Tongo nga nabutang sa ikatulo.

Ang top three pintopplers midawat og cash prizes nga P900, P400, ug P300.

Sila Virgilio “Billy” Magdale (581), Paul Palacio (539), Robin Tamondong (539), AJ Galendez (533), Gabriel Velasco (527), Bam Tongo (495) ug Edmund Cambaliza (492) milangkub sa top 10.

Ang duwa mobalik karong weekend. (MLSA)