ANG Dabawenya nga tanker nga si Zoe Marie Hilario mihuman og impresibo sa iyang uwahing pakigtigi sa Batang Pinoy human makakolekta og upat ka bulawan ug usa ka platang medalya sa bag-ohay nahuman nga national championship sa Baguio City.

Apan ang iyang medalya kredito sa Quezon City diin Grade 10 estudyante sa Unversity of the Philippines Integrated School.

Ang 16-anyos milangoy og bulawan sa girls 200-meter individual medley (IM), 400m IM, 200m backstroke and 200m backstroke ug 100m backstroke samtang ikaduha sa 100m backstroke.

“My Batang Pinoy this year so far isn't really good. I didn't get to maintain or break my best times in my events but I'm still thankful for it because I know that I'm going to learn a lot from this experience,” pahayag niya.

Miduwa sab siya alang sa Davao City sa Batang Pinoy sa milabay nga duha ka nasyonal kompetisyon diin nakaharbat sab siya og upat ka bulawan ug usa ka plata atol sa iyang Grade 6.

Dugang ni Hilario, kinsa kanhi estudyante sa Ateneo de Davao University samtang anaa siya dinhi, miingon sa SunStar Davao, “Sumali na lang po ako kasi last year ko na puwedeng sumali.”

Human sa Batang Pinoy, sulti pa niya nga magbansay pa siya og maayo diin target niya mabuak iyang oras ug makuha iyang tuyo sa bag-ong UAAP season. (MLSA)