MAS gilig-on sa korte sa Amerika nga way katungod ang mga wala malipay nga fans nga mopasaka og kaso kay wa sila makuntento sa Pacquiao vs. Mayweather fight.

Sa desisyon nga gipaguwa sa 9th US Circuit Court of Appeals, dunay 3-0 nga boto ang mga huwes.

Subay sa ruling, ang mga fans ug pay-per-view subscriber boluntaryong nagbayad ug wala sila gipugos nga mobayad.

Dugang pa ni Circuit Judge Jacqueline Nguyen, walay legal nga hisgutanan kung wala man giyagyag ni Manny Pacquiao nga duna siya’y injury una ang bugno.

Mga fans mipasang-at og kaso sa korte kay giingong wa sila makuntento sa 2015 fight tali nila Manny Pacquiao ug Floyd Mayweather.

Human sa away, gisulti ni Pacman nga misakit ang iyang abaga maong wa kaayo siya kaparang sa kapaspas ni Mayweather.