HUGYAW ug makalingaw ang kasaulugan sa mga estudyante sa Ama Computer Learning Center (ACLC) sa ilang Acquaintance Party 2019 ning bag-o lang.

Uban sa temang “A soiree to remember: Empowering versatility through camaraderie,” ang makalingaw nga tigum gihimo sa GSIS Heights Ascension of the lord Parish Covered Court.

Suma pa nga usa ka “stereotype party” ang nahitabo kini aron madasig ang mga partisipante nga mapakita kung unsa ang tinuod nilang personalidad.

Napuno sa katawa ug buhakhak ang kagabhion tungod sab sa mga makalingaw nga programang giandam subay sa selebrasyon nga giandam sa Student Supreme Council ug mga maestra sa tulunghaan.

Matag grupo adunay mga presentasyon nga giandam sama sa MODA, Variety show, ug Battle of the Band.

Mas nahugyaw sab ang tanan sa pagsalmot sa mga komedyante gikan sa Zigudo Comedy Bar.