SIYAM ka tims gikan sa Pilipinas, diin duha niini gikan Davao ang midaug sa Hip Hop International's World Hip Hop Dance Championship nga gihimo sa Phoenix, Arizona

Mga nahisgutan apil sa sobra kwatro mil ka mga dancers gikan sa 50 ka nasud nga nagtigi sa kompetisyon sa pagsayaw.

Ang grupong LMN gikan Manila nga nakig-compete sa MegaCrew Division miabante sa 6th place ug diretso sa finals.

Ang Fusion sab from Davao nabutang sa ikaduha, laing garbo sa dakbayan ang Kindred miangkon sa 3rd spot ug LMN from Manila sa ika-6 gikan sa 28 ka tims.

Sa Adult Division, ang Peepz from the Philippines milabni sa bronze, samtang silver ang Da republik sa Dominican Republic ug gold ang Cbaction sa Argentina.

Sa Varsity division, naka-bronse ang Masque from New Zealand, Silver ang Kingsmen gikan sa Pilipinas ug gold ang Kana-Boon sa Japan.

Samtang sa Junior Division, bronze ang Freshh 2.0 sa Canada, silver ang Next Jr. sa Japan ug gold and Awesome Junior sa Thailand.

Ikaduhang tuig na kini nga ang Arizona maoy host sa maong street-dance competition.