DEAR Heartline,

Ako diay si Gab. Naa koy uyab naay nahitabo namo pero iyang mama dili ko tanggap kay nag school pako. College ko, akong course criminology. Unsa akong buhaton?

Gab

###

Hello Gab,

Ayaw laina ang ka-istrikto sa inahan sa imong uyab. Gihimo lamang niya kini tungod naghuna-huna siya sa kaayuhan sa iyang anak.

Natural lamang sa usa ka inahan nga protektahan ang anak niya, ilabi na gyud babaye pa kini.

Ang ginikanan buot gyud nga maangkon ang tanang kaayuhan alang sa anak.

On your part, ayaw og sukol sa gipakitang disgusto sa iyang inahan.

Instead, ipakita kaniya nga sinsero ug seryoso ka sa imong intensiyon ngadto sa ilang anak.

Ipakita kaniya, ug sa ilang pamilya nga bisan may relasyon mo, seryoso ka sab nga naningkamot aron makatapos sa imong pagtuon.

Huna-hunaa nga challenges lang kini sa inyong relasyon aron labaw pa kining molig-on sa inyong panag-uban.

Heartline