USA ka opisyal sa Felcris Supermarket, aminadong nabiyaan na gyud sila sa panahon, mao nga karon, gihan-ay nila ang mga dugang kalambuan nga ipahamtang sa ilang branches dinhi.

“Felcris is 40 years na. Time have change and we want to regain the glory we have before,” ni Stephen Yap, Felcris Supermarket vice president, atol sa press conference niadtong Huwebes, Oktubre 18.

Dugang niya nga tungod sa kompetisyon, nagkadaghang malls sab sa palibot, nauwahi na sab sila itandi sa uban.

“We want to inject new ideas, going with the times para we can cope up with the competition,” dugang ni yap.

Sa kasamtangan, gitutukan sa management ang renovation sa ilang mga branches dinhi ug sa ubang parte sa Mindanao.

Karon gisugdan ang renovation sa Felcris Quirino, apil na ang pagbutang nila og mga bag-ong produkto, ug ang pagpanindot pa sa ilang pagpadagan sa negusyo.

“Kahit sa istilo ng pagpapatakbo ng negusyo gusto rin nating baguhin kasi medyo lumang style ang pagpapatakbo. We aim to cater more improvements, new items and cater the youth nowadays.”

Sa kasamtangan, ang Felcris may 24 ka branches ug 124 sa Central Convenience.

Dugang sa opisyal nga nasugdan na sab ang pagpanindot sa ilang branches sa Panabo, Davao del Norte ug San Francisco, Agusan de Sur.

Buot sab ni Yap nga mahibalik ang kanhi canteen sa ilang Felcris branches nga nagtanyag sa lami-ang meryenda nga gikamingawan sa mga Dabawenyos.

Luyo sa pagpanindot sa ilang branches, milusad sab sila og mga promosyon, nga nag-cater apil sa mga kabataan.

“Let's admit it, nung nagtanong-tanong kami iilan na lang yung nakakakila ng Felcris, majority yung mga medyo older, yung younger generation di pa sure if we exist pa.”

Suma pa, kung mahan-ay na ang tanan sa ilang renobasyon lakip na pagpadagan sa negusyo, tutukan na nila ang pag-mugna og dugang branches sa mosunod nga katuigan.