ALANG sa mas halapad nga pagpadangat og impormasyon, dugang kasayuran ngadto sa mga suki, gipaila-ila sa Superbalita Davao ang bag-ong segment niini sa social media account ang Istorya Ta!

Ang Istorya Ta! maghisgut sa nagkadaiyang topiko, isyu, personalidad ug uban pa nga kapunitan sa dugang pagtulun-an ug kaalam sa publiko.

Sa unang larga sa Istorya Ta! niadtong Mayo, nakaistorya nato ang kaniadto nagpapili ug karon councilor-elect sa 2nd District sa Davao City, si Javi Garcia-Campos.

Ug sa laing hugna sa Istorya Ta, makahinabi ning tigsuwat ang expert, sexologist ug health columnist sa Superbalíta Davao, si Dr. Fritz Espedilla.

Nagkadaiyang topiko ang nahisgutan sa duha, diin sagad niini mga isyung medikal nga gikahadlukan, gikabalak-an ug angay hisgutan.

Ug sa unang larga sa Istorya Ta uban si Dr. Fritz, unang gituki kung unsa ba gyud ang importante, “Performance o Size ni manoy.”

Ang interview makita via Facebook page sa Superbalita Davao nga i-ere sugod 9 p.m. unya.

Exciting topic gyud tuod! Sa mga updates ug ubang kasikas, i-like lamang ang Superbalita Davao Facebook page.