USA ka mabulukong pagbukas sa ika-63 ka tuig sa Private Schools Athletic Association (Prisaa) National Games ang nasaksihan sa University of Mindanao - Davao City Track Oval, Dominggo, Mayo 19.

Ang kompetisyon nga gihugopan sa halos 7,000 mil ka mga partisipante gikan sa 16 ka rehiyon masaksihan, Mayo 19 ngadto 24 ning tuig.

Uban sa temang “Sustaining Filipino Athlete for Global Competitiveness” mga atleta gidasig ni Commission on Higher Education (Ched) chairman Dr. J. Prospero E. De Vera III nga keynote speaker sa opening ceremony nga ipabilin ang pagkamahiubsanon ug disiplina.

Ang pagbukas sa kompetisyon, Dominggo, gihatagan og dugang kolor sa nagkadaiyang tradisyunal nga sayaw sa nasud nga gisayaw sa mga piling estudante sa rehiyon XI.

Luyo sa mga naandang dula, anaa sab ang academic ug cultural events sama sa Oratorical, Vocal Duet, Vocal Solo, PRISAAyawan ug Mutya ng PRISAA.

Ang Mutya ng Prisaa tigi sa kapin 10 ka maanyag nga dilag gikan sa unibersidad ug kolehiyo nga apil sa kompetisyon.

Samtang ang Prisaa National Cultural Competition langkuban sa college amateur singers.

Anaa sab ang Prisaayawan usa ka dance competition sa junior division (high school category)

Mga duwa masaksihan sa UM Matina Campus, samtang ang swimming ug beach volleyball sa Davao del Norte Sports and Tourism Complex.

Ang National Prisaa Games 2019 gipaluyuhan sa Philippine Sports Commission (PSC), Department of Education (Deped), Commission on Higher Education (Ched) ug city government of Davao.

Ang Sunstar Davao mao say official media partner niini, diin ang coverage nahimong posible uban sa mga major sponsors: Matina Enclaves, Santos Land Development, 8890 Holdings, Inc., Anflocor, Sky Cable ug Pagcor.

Samtang ang minor sponsors Aeon Luxe Properties, Davao Doctors College, GH Office Depot, Grand Land, Inc., Alu Hotel, Davao Medical School Foundation, NCCC ug Office of the Special Assistant to the President (Osap).