HUMAN mibandera ang kalami sa ilang tsokolate, midawat og duha ka pag-ila ning bag-o lang sa London-based Great Taste Awards, laing pasidungog na sab ang nadawat sa Malagos Chocolates.

This time, nagmalampuson na sab ang mga cacao farmers human mibansiwag sa 2019 International Chocolate Awards-Asia Pacific.

Sa maong kompetisyon, pito ka pasidungog ang nakuha sa Malagos, diin suma total anaa na sa 44 ang ilang nakuha, apil na ang 2017 Cocoa Excellence Programme "Best 50 Beans in the world" ug 2019 Heirloom Designation "16th in the world."

"We dedicate our latest wins to our hard working in-house and neighbor farmers who help us grow and produce high quality cacao beans," suma pa sa pamahayag ni Rex Victor P. Puentespina, chocolate maker sa Malagos Chocolate.

Ang 2019 Asia-Pacific competition gihimo sa ikaduhang higayon isip independent competition sa Asia.

Suma pa nga samtang nagkadugay, nagkadaghan sab ang entrante diin anaa sa sobra 900 ka produkto ang narehistro gikan sa kapin 130 ka kompanya gikan Asia-Pacific region, apil na entries gikan Australia, China, India, Japan, Malaysia, Taiwan, Thailand, Vietnam ug daghan pa.

Mga hurado gilangkuban gikan sa USA, Europe, Taiwan, Hong Kong, ug miyembro sa international Grand Jury panel lukop nasud.

Nakuhang pag-ila sa Malagos gilangkuban sa:

Micro-batch -- Plain/origin dark chocolate bars:

* Silver: Malagos Chocolate (Philippines) - Malagos 72% Dark Chocolate

Flavored dark chocolate ganaches or truffles:

* Silver: Malagos Chocolate (Philippines) - Rum Truffle (**)

* Silver: Malagos Chocolate (Philippines) - Whiskey Truffle (**)

Dark chocolate enrobed caramels:

* Silver: Malagos Chocolate (Philippines) - Salted Caramel Truffle (**)

Dark chocolate enrobed whole fruit:

* Silver: Malagos Chocolate (Philippines) - Dried Guyabano Dark Chocolate Coated (**)

Micro-batch - Plain/origin dark chocolate bars:

* Gold - Philippines: Malagos Chocolate (Philippines) - Malagos 72% Dark Chocolate

Dark chocolate enrobed whole fruit:

* Special - Local ingredients: Malagos Chocolate (Philippines) - Dried Guyabano Dark Chocolate Coated