KARONG midaug na sab si Pambansang Kamao ug Senador Manny Pacquiao batok sa ilang sinumbagay ni Lucas Matthysse, nadugangan na sab ang panlantaw sa mga Pilipino nga kusgan pa gayod diay si Pacman.

Kung mapildi si Pacman, manggawas dayon ang opinyon sa katawhan nga mas maayong mo-pukos nalang siya sa politika ug moretiro na kini kay edaran na.

Pero kung modaug gani, nan didto sab manggawas ang panlantaw sa katawhan nga kusgan pa gayod si Pacman ug puwede pa isangka sa mga iladong boksidor sa kalibutan.

Nakita sa mga Pilipino kagahapon nga gipalukapa ni Pacman si Matthysse sud lamang sa pito ka rounds ug didto nadugangan na sab ang garbo sa nasud.

"I would like to congratulate Senator Manny Pacquiao for giving us pride and bringing the Filipino nation together once more," tipik sa mensahe ni Pangulong Rodrigo Duterte kinsa misaksi gayod sa maong duwa didto sa Kuala Lumpur, Malaysia, kagahapon.

Dugang pa sa Pangulo nga napamatud-an na sab sa mga Pilipino nga nanguna kita sa natad sa paugnat sa kusog ngadto sa pagpaila sa kalibutan; nga di lamang usa ka politiko si Pacman kun di usa ka Filipino Sports Icon.

"You have proven time and again that you are not just a public servant, but one of the greatest boxers of all time. This win will surely cement, yet again, your position and legacy in boxing's Hall of Fame," niya pa.

Dugang sa Pangulo, "May you continue to inspire Filipinos not only in boxing but also in the public service. Daghang salamat, Manny! You are truly the People's Champ," panapos sa mensahe.

Tinuod gayod nga tsampyon si Pacman, kay bisan gani diha sa hawanan sa Senado, knockout gayod ang mapadulngan sa iyang mga panguntana matag Senate Inquiry.

Nagpakita lamang si Pacman karong mga panahona nga, kusgan pa siya. Ug angay na tingali niyang pangandaman ang iyang pag-retiro kay basin unya maluya ang iyang kusog sa mga isyu karon sa nasud nga dala sa giingong "Tunay na Pagbabago".