NAKURAT ang katawhan labi na sa Davao City dihang nasayran pinaagi sa post sa social media nga naa kuno'y kaso sa Meningococcemia sa Brokenshire Memorial Hospital.

Gipang-share dayon sa mga netizens ang maong post kay lagi sakit daw nga makatakod pinaagi sa "Airborne" kun madala sa hangin. Misamot ang kahadlok sa mga tawo sa maong impormasyon.

Daghan na kaayo og mga anggulo sa istorya ang nanggawas ug bisan sa pagbugal-bugal gigamit na kini, sama pananglit, kung magkita ang maghigala, ingnon nga gikan siya sa ospital, ug kalit manggunit, ug molikay nga maoy mahimong kataw-anan sa takna.

Nagkadaiyang sugilanon ang nanggawas gumikan sa impormasyon nga na-post sa social media. Gilayon kining milanog kay ang tanan dunay selpon.

Gumikan sa hitabo, gilayong nagpagula og pamahayag ang Brokenshire Memorial Hospital gumikan bug-at sa ilang bahin ang maong hitabo kay giingong dili pa makumperma nga Meningococcemia ang kaso sanglit gipadala pa ang blood samples niini sa labing mosuta nga buhatan.

"Brokenshire Memorial Hospital would like to shed light on the rumor circulating online about a confirmed Meningococcemia case yesterday, August 30, 2019. The patient was a SUSPECTED CASE who exhibited signs and symptoms similar with the case definition of the disease," sa pahayag sa Brokenshire.

Dugang pa, "The collected specimen has been sent out to the microbiologist for confirmation. Infection Control protocols were immediately instituted. The ER and the hospital has been cleared by the Infection Control Committee and is now safe and operating normally as usual."

Tungod niini, ang Department of Health (DOH) Davao Center for Health Development nagpaklaro nga dili kini tinuod.

"The mode of transmission of Meningococcemia is through DROPLET and NOT AIRBORNE. Direct contact with discharges from the nose and throat of the infected person might put someone else at risk. It can also be spread through coughing, sneezing, kissing, sharing of food, drinks and utensils," pagpaklaro sa DOH-Davao.

Ang nahitabo nakahatag og kakurat sa publiko pinaagi sa post nga wala makumperma. Apan nakahatag sab kini og atensyon sa pagkamabinantayon sa katawhan. Kini ang tinuod nga gahum sa social media, karon.

Apan ang mas labing maayo, ang pag-post sa tinuod ug kompermado nga impormasyon, kay lisod kaayo bawion ang kakulba sa kaugalingon kung ang na-post usa ka dakong sayop.