NAYAGYAG ang tina-i sa usa ka lalaki human gipareglahan ug giluba niadtong Domingo mga alas 4:00 sa hapon sa Justo Ramonal, Barangay 33 ning siyudad sa Cagayan de Oro.

Nilanding sa Northern Mindanao Medical Center (NMMC) si Teodoro Lagno-Magaling, 18, taga Barangay 35 ning siyudad.

Ang driver sa sikad nga mao si Rey Barino maoy nasakyan sa biktima paingon sa puloy-anan niini apan nakurat ang driver dihang pagtan-aw nga gihuptan niini ang tiyan nga nalaslas na ug nahabwa ang tina-i ug nahulog gikan sa sikad human nawad-an sa panimuot.

Gidali pagdala sa driver sa NMMC ug gipatambalan.

Ang hitabo dali sab nga giresponde sa kapolisan diha dayon ug nahibaw-an nga giluba ang biktima sa suspek nga naila lamang ngalan nga Marlon, lumad nga taga siyudad sa Iligan ug giingong kanhi kaaway na sa biktima.

Ang kaso gisunod na sa kapolisan ning panahona aron pagsikop sa suspek human nakasibat atol sa insidente. (SVB)