BISAN wa molampos ang acetylene gang sa pagsulod sa usa ka pawnshop pinaagi sa pagkobkob ilawom sa yuta paingon sa drainage sa siyudad sa Naga, ang kapulisan way kompiyansa ug nagtuo nga subli unya kining moataki.

Ang grupo sa acetylene gang naila nga gikan sa Luzon ug sa Mindanao apan wa usab gisalindot ang posibilidad nga mga local boys lang kini dinhi sa Sugbo.

Si Supt. Romeo Santander, pangulo sa Intelligence Branch sa Cebu City Police Office (CCPO), niingon nga dako ang posibilidad nga duna pay mga kauban sa gang nga dia pa sa dakbayan sa Sugbo nga naniid kinsa na usab ang ilang isunod nga target.