HUMAN sa taodtaod nga pagpaabot, mipirma na gyod sa kontrata si Floyd Mayweather Jr. kalabot sa iyang pagpakigsangka batok ni welterweight title holder Shane Mosley kagahapon, matod pa sa abogado ni Mosley nga si Judd Burstein sa ESPN.com.

Kato mao na lay uwahing gipaabot aron mahingpit na gyud ang maong away. Si Mosley niadto pang Biyernes mipirma.

Click here for stories and updates on the Sinulog 2010 Festival.

Depensaan ni Mosley ang iyang titulo batok ni Mayweather karong Mayo 1 sa MGM Grand sa Las Vigas.

“He signed. It’s going to be a great fight,” dugang ni Burstein.

Matod ni Burstein nga nakadawat siya sa maong balita niadtong Miyerkules sa hapon gikan ni Golden Boy Promotions CEO Richard Schaefer, kinsa gisultihan usab ni Al

Haymon, adviser ni Mayweather. Niini, iya gilayon giisturyahan si Haymon.

“Al Haymon’s word is gold to me. He told me personally,” padayag ni Burstein. “We spoke and he said Floyd signed. It was a short but happy conversation. Shane is excited. We all know it’s going to be a great fight.”