DAGHAN ang nagsulti nga miandar na sab ang pagka-pasaway ni Roxanne Guinoo ug ginausikan sa dalaga ang tsansa nga ginahatag kaniya sa ABS-CBN.

Sumala sa chika nga usa ka katuohan nga butang ang gihimo ni Roxanne samtang nagaa-taping sila sa Your Song kauban ang ex-boyfriend nga si Jake Cuenca.

Say sa chika nga naughan ang staff ug ang ubang cast sa mini-serye sa ABS-CBN lakip na si Jake tungod kay 12 hours lang silang gipahuwat ni Roxanne, as in gihurot ang tanan nilang oras sa paghuwat.

According sa source nga wa'y klarong rason si Roxanne sa iyang gihimo nga gikaimbyerna to the highest level sa cast ug sa staff.

Tungod sa maong reklamo ug sa giingong attitude problem ni Roxanne, gi-tsugi daw kini sa unta, bidahan nga daytime series sa ABS-CBN.

Kahinumduman nga bag-ohay lamang, daghan ang naloka dihang nakigtinubagay si Roxanne sa press sa usa ka press conference.

Ang maong gipakita ni Roxanne nga nakigtalakan sab sa press, usa matud pa ka dakong pruweba nga may attitude problem gayud ang young actress.

Kung magpadayon kini, posibleng siya na ang sunod nga Sunshine Dizon nga gi-tsugi sa gibidahang serye bisan ongoing na ang pagpasalida niini.