PATAY nga lawas sa Sugboanong crew sa nalunod nga cargo ship nga SF Freighter 498 nga gipanag-iya sa Seaford Shipping Lines Inc. napalgan kagahapon sa buntag.

Ang Sugboanong crew giila ni Capt. Anelito Gabisan sa Coast Guard Central and Easter Visayas Command nga si Clinton Jay Benigla, 22, taga-dakbayan sa Sugbo. Base sa nakuha nga impormasyon nga diha sa kadagatan sa Katan-awan sakop sa Quezon Province napalgan ang lawas ni Benigla nga nagsul-ob pa sa lifejacket.

Matod pa ni Gabisan sa dihang nahinabi sa dyLA nga gipahibawo na niini ang immediate superior sa ahensiya diin konektado si Benigla labot sa gidangatan sa maong crew.

Updates on President Benigno Aquino III's presidency

Kasamtangan nga gidala ang lawas ni Benigla sa Sutaris Funeral Parlor sa Katan-awan ilabi na kay anaa na sa decomposition stage o nagkadugta na.

Gikompirmar ni Gabisan nga sigun sa ilang nadawat nga taho gikan sa ilang counterpart sa Bicol Coast Guard District nga moabot na sa tulo ka kompirmado ang namatay nga napalgan samtang nagpadayon pa ang search and rescue sa cargo ship sa kadagatan sa Marinduque Province.

Katapusang na-contact ang barko sa kadagatan sa Marinduque sa dihang nakasinati og engine trouble samtang gikuso-kuso sa dagkong bawod niadtong Sabado sa gabii.

Ang barko nagbase sa Negros Occidental nanukad sa kaulohan nga nagkarga og mga kabilya paingon sa Sugbo. (FVQ)