MIDSAYAP, North Cotabato -- Patay na nga makaplagan alas 10 sa buntag niadtong Miyerkules, Hulyo 27, ang usa ka babaye nga lima na ka adlaw nga nahanaw.

Giila ang biktima nga si Sarah Maulana, 37, minyo ug molupyo sa Barangay Olandang sa maong lungsod.

Matud ni Midsayap Municipal Chief of Police, Senior Inspector Realan Mamon nga nakit-an sa mga estudyante kilid sa Sampulna Elementary School ang patay nga lawas sa biktima nga hapit na nga madugta nga wala nay sapot sa lawas.

Sa diha nga gipa-eksamin sa pamilya ang patay nga lawas ni Maulana, positibo kining gilugos.

Nasayran nga gibunalan og kahoy ang ulo sa biktima unya gidunggab pa ang dughan ug tiyan nga maoy hinungdan sa kamatayon niini.

Niadtong Hulyo 23, alas kwatro sa hapon, sumala pa, namalengke si Maulana sa Datu Piang, Maguindanao Province, apan wala na siya makauli sa ilang bay.

Hangtud karon blangko pa ang kapulisan sa mga tawo nga dunay kalabutan sa paglugos ug pagpatay sa biktima nga padayon nilang gi-imbestigahan. (Edgar E. Fuerzas)