SI Talisay City Administrator Rudelyn Navarro niingon nga posibling consortium sa pribadong kompaniya ang ilang buhaton paghakot sa ilang mga basura ug ang pagdumala sa ilang sanitary landfill.

Una niini nigawas ang report nga ang dakbayan nikonsiderar karon nga itugyan sa pribadong kompaniya ang pagdumala sa sanitary landfill ug paghakot sa mga basura.

Si Mayor Eduardo Gullas niingon nga wala niya gisalikway ang maong posibilidad.

Karon duna na silay giabangan nga mga garbage truck gikan sa pribadong negosyante aron motabang sa paghakot sa ilang mga basura paingon sa Barangay Tapul, diin naa ang tulo ka ektaryang landfill.

Matod ni Gullas nga tanang mga lakang nga makaayo sa Talisaynon iyang himuon.

Apan miklaro nga sa pagkakaron, wala pa kini matuki nilang mga opisyal. (DRT)