NADAOG ni Keken Cabahug sa Team Cyrus ang 3rd leg sa Honda Motorworld’s Ce­bu Dream Cup Season 1 niadtong Dominggo sa Kart­zone Racetrack sa Panag­dait, Ce­bu City.

Parehong napatigbabawan ni Cabahug ang first ug final heats aron pagtigom og 50 puntos nga naghatag kaniya og kadaugan sa Elite 130 Underbone category.

Si Cabahug mao sab ang mi­daog sa 2nd leg nga gipahiga­yon sa miaging buwan. Sa ka­samtangan, nag-una si Cabahug alang sa inilugay sa overall title.

Ang teammate ni Cabahug nga si Lyndon Requilme nahimutang sa ikaduhang luna dala ang 46 puntos samtang si Simon Solon sa FDR Gudmoto niangkon sa ikatulong dapit bitbit ang 39 puntos.

Si Solon mibawi sa laing kategoriya ug midaog siya sa Elite 130 Scooter diin iyang nalupig sila si Zac Lyndon Caneda ug Mark Capoy sa HMWI/Caludette.

Sa laing bahin, si Sylvester Ramirez sa FDR GudMoto maoy midaog sa Beginner 130 Underbone category. Si­ya sab ang milampos sa Honda Beat Beginner.

Ang ubang mga mingdaog mao sila si Ricky June Banzon sa Honda Club Race, Grezyl Ceniza sa Honda Beat Ladies, ug Raffy Feliciano sa Beginner 130 Scooter.