BISAN sa pasalig sa Pagkakaisa ng Samahan ng mga Tsuper at Opereytor Nationwide (Piston) Cebu nga dili makabalda sa pampubliko nga transportasyon ang pagsalmot nila sa nationwide protest karong adlawa, ang kagamhanan sa dakbayan sa Sugbo nangandam gihapon og 14 ka buses.
Si Francisco “Isko” Ouano, pangulo sa Cebu City Transportation Office (CCPO) nagkanayon nga mobiyahe ang mga bus gikan sa kinapusoran sa siyudad paingon sa barangay Bulacao sa south district, barangay Talamban sa north district ug paingon sa Kapitolyo aron paghakot sa mga pasahero kon pananglitan dunay pagkabalda sa biyahe sa public utulity jeepneys (PUJs).
Apan, gipadayag ni Ouano nga kon dili makaparalisar ug normal ra ang dagan sa mga sakyanan dili na nila padaganon ang maong mga bus. Nangandam lang silang daan aron sa sitwasyon. (PAC)