DEAR Heartline,

Good day, ako pala si JJ naa koy ka-live-in two years na. Love kaayo namo ang usag-usa. After 1 year, nakaila niya akong pinsan. Wala ko kabalo nga naa siyay gusto sa akong pinsan. Usa ka adlaw, wala siya kauli. Ingon niya didto siya sa iyang friend natulog. Pero pag-ask nako sa iyang friend, milimod man ni nga didto siya natulog. Mao to ako siyang gipangutana ug gisulti niyang didto siya nakatug sa akong pinsan ug naa gyuy nahitabo sa ilaha. Karon, gusto siya makigbulag nako. Angay ba ko masuko sa akong pinsan? Thanks and more power.

JJ 0912***

*****

Hi JJ,

Di naman siguro angay ipangutana kung masuko o dili ka sa imong pinsan? Natural mente ikaw ang gibinuangan, sakit gyud kini, di gyud kalikayan ug matago ang bation nimong kasuko towards them.

Makigbulag siya nimo? Then let him go. Mas maayo nang wa nakay kargo nga tawong di angay nga panggaon ug mahalon.

Pasagdihi siya. Sakit, apan antusa. Kesa naman magpabilin kang makig-uban sa tawong dili worth it sa imong pagmahal.

Move on and have a life. You deserve a peaceful mind and someone nga dili ka luiban, way gina-santo, pati ig-agaw pa nimo gikubit.

Makakita ra ka'g lalaki nga angayan sa imong pagmahal. Usa ka lalaking hamukon man sa mga pagpanintal, pabiling magpakalig-on, tungod mas mipatigbabaw ang pagmahal ngadto sa iyang partner.

Heartline