GIHANGYO karon ni Konsehal Romeo Calizo kinsa chairman sa police fire and public safety sa konseho sa dakbayan sa Cagayan de Oro ang kapolisan ug kabarangayan nga magtinabangay sa pagkontra batok ilegal nga druga.

Gibutyag niini nga aduna lamang lima pa ka barangay sa dakbayan nga drug free kon itandi sa mokabat 75 nga dili pa limpyo sa ginadili nga druga niining panahona.

Gibutyag sab niini nga gikinahanglan niya ang dobleng paningkamot ug pakigtambayayong sa mga opisyales sa nagkadaiyang barangay gumikan kay kini lamang ang paagi nga masuportahan ang padayong kampanya ni Presidente Rodrigo Duterte nga wagtangon ang ginadili nga druga. (SVB)