UPAT ka mga sundalo ang nadakpan pinasikad sa warrant of arrest mga alas 10:00 sa buntag niadtong Enero 15 sulod sa Branch 6, Hall of Justice Carbide tubod, Iligan City.

Ang operasyon gilusad sa Iligan City Police Station 4 sa pagpanguna ni Police Major Abogado Mautin Jr. uban ang CIDMB tracker team, Highway Patrol Group (HPG)-Iligan, Criminal Investigation and Detection Group (CIDG)-Iligan ug personahe sa Regional Mobile Force Battalion (RMFB)-Northern Mindanao.

Ilang gisilbi ang warrant of arrest batok ni Corporal Benjie R. Maghanoy, 35, minyo; Senior Sergeant Franklin D. Guttiries, minyo, 48; Sergeant Jose Y. Calapao Jr., 40, minyo; ug Corporal Alsudany A. Sandao, 43, minyo, pulos mga aktibong miyembro sa Armed Forces of the Philippines nga nadestino sa Upper Pulacan, Labangan, Zamboanga del Sur.

Ang warrant of arrest nga gisilbi adunay kasupakan sa Commission on Elections (Comelec) gun ban nga giisyu ni presiding judge, Leonor Quiñones, sa Regional Trial Court-12th Judicial Region, Branch 6, siyudad sa Iligan, niadtong December 16, 2019 ug walay piyansa nga girekomendar.

Ang mga arestadong sundalo ang gikomit na sa Iligan City Reformatory Center.