NADUGANGAN og 20,000 ka mga botante ang siyudad sa Cagayan de Oro alang sa eleksiyon ning tuig 2019 karong Mayo 13 diin sa kinatibuk-an anaa na sa 345,358.000.

Gibutyag ni abogado Ramil Acol, City Comelec officer sa Commission on Elections (Comelec), nga dunay pag-clustered sa mga polling precinct hinungdan nga nigamay ang mga presinto ug nidaghan ang mga botante sa matag presinto.

“Ang botante karon naa na sa 345,358,000 compared last barangay election nag increase by 20,000,” matud ni Acol.

Gidugang ni Acol nga tungod sa gihimong pag-clustered pulos mga teacher na ang electoral board.

“Electoral board mga teachers karon purely mga teachers kay gi-clustered man nato nga tag 1,000 per clustered precinct so nagamay ang presinto nidaghan ang mga botante kada precint gamay na sad ang mga maestra,” dugang niini.