GIKAN pa sa eskwelahan ug naka-uniporme pa ang usa ka estudyante sa dihang nasikop sa drug bust niadtong Hulyo 18, 2018 sulod sa merkado sa Carmen, dakbayan sa Cagayan de Oro.

Sikop si Faisah Mama alyas Lily, 23, ug estudyante sa usa ka tunghaan ning siyudad sa kursongng Bachelor of Science in Business Administration (BSBA) kinsa residente sa Phase-2, Singapore, Barangay Balulang.

Gibutyag ni Police Senior Inspector Demver Vergara, hepe sa Police Station 4 (PS4) sa Carmen, nga taudtaud na nga gipanid-an si Lily apan naglisod sila gumikan kay dili kini basta-basta nga magbaligya kang bisan kinsa.

“Nasa school pa siya eh, tapos nag-transact, then siya nagbuot kung saan magkita,” matud ni Vergara.

Nakuhaan ang suspek og mokabat sa lima ka gramo nga gibana-banang anaa sa P35 mil kapin kon kulang ang kandtidad.

Samtang nasikop usab ang usa ka Sammy Sultan, 20, taga Balulang human napalitan sa ginadiling druga, Hulyo 18, 2018 mga alas 12:30 sa hapon sa nahisgutang dapit.

Ang maong dinakpan ang kasamtangang anaa na sa Maharlika Detention Cell alang sa pag-atubang sa kasong ipasaka batok niini.