ANAA na sa 24,863 ang kinatibuk-ang ihap sa nakarekober nga mga indibidwal nga nataptan sa coronavirus disease (Covid-19) sa Dakbayan sa Cagayan de Oro human nakatala og duha ka bag-ong nakarekober nga mga indibidwal.

Nakatala usab og lima ra ka mga bag-ong kaso sa dakbayan, pulos mga local nga mga transmissions.

Matud sa City Health Office, sa lima nga mga bag-ong lokal nga kaso, tulo ang mga local index nga mga kaso ug duha ang mga authorized persons outside residence (Apors).

Ang Cagayan de Oro adunay 19 ka mga aktibo nga mga kaso, 13 niini na-admit sa Northern Mindanao Medical Center ug uban pang mga ospital sa syudad ug unom ang mga outpatient.

Ang ihap sa mga namatay sa Covid-19 sa syudad anaa na sa 935.