ANAA na sa 14,652 ang kinatibuk-ang ihap sa nakarekober nga mga indibidwal nga nataptan sa coronavirus disease 2019 (Covid-19) sa Dakbayan sa Cagayan de Oro human nakatala og 103 ka bag-ong nakarekober nga mga indibidwal.

Ang dakbayan nakatala pud og 65 ka mga bag-ong kaso sa Covid-19, usa niini returning overseas Filipino worker (ROF) ug 64 ang mga local transmissions.

Sa 64 ka mga bag-ong lokal nga kaso, 24 ang local index nga mga kaso; 28 ang local cases with link; siyam ang mga lokal nga authorized persons outside residence (Apors); ug tulo ang Apors with link.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 19,193.

Ang Cagayan de Oro adunay 3,721 ka gma aktibo nga kaso, 815 niini na-admit sa Northern Mindanao Medical Center ug uban pang mga ospital sa syudad, 2,889 ang outpatients, ug 17 ang mga ROFs/LSIs.

Ang ihap sa mga namatay sa Covid-19 sa siyudad anaa na sa 820.