SA LARAW nga maila ang lalawigan sa Misamis Oriental nga mahimong Chocolate Capital adlawng lunes atol sa pagpakayab sa nasudnong bandila sa Kapitolyo Probinsyal gitunol ngadto sa cacao planters ang Cacao Post-Harvest Facilities.

Ang turn-over gipangunahan ni Misamis Oriental Governor Bambi Emano kung diin ang pasilidad lakip pundo ug technical assistance ang gihatag sa cacao farmers.

Si DTI-MisOr Provincial Director Almer Masillones niingon nga seryoso si Emano nga mahimong chocalate capital ang lalawigan ug ubos sa DTI-Shared Service Facility (SSF) uban ang pangagamhanang lokal sa Misamis mokantidad kini tanan og P800,000.

Ang gi-turnover nga pasilidad sama sa solar dryer ug fermentation box alang sa lima ka lungsod kung nga kabahin sa Misamis Oriental Cacao Industry Development Association (MOCIDA), lakip na ang sa lungsod sa Claveria, Alubijid, Opol, Gingoog City, ug Manticao.

“We are happy that the good governor is very willing to ask on what support he can give for our farmers. He only sees kung unsa iyang ma-compliment to National Government project. Daghan kaayo ta proyekto sa probinsya nga dili ni siya ma-fully operationalize had it not been tungod sa iyang suporta,” matud ni Masillones.

Dugang niini nga moabot sa 3,067.22 ektarya ang plantasyon sa cacao dinhi sa Misamis Oriental nga nakahatag panginabuhian sa mikabat sa 3,071 ka mag-uuma.