PADAYON ang hugot nga seguridad nga gipatuman sa dakbayan sa Cagayan de Oro ug naghangyo si Mayor Oscar Moreno sa katawhan nga dili mahadlok ug magbinantayon.

Matud ni Moreno nga kinahanglan nga magtinabangay ang tanan ug dili mahadlok sanglit mogara ang mga terorista tungd mao kini ang ilang tumong sa pagsamok.

“We cannot allow them to succeed kinahanglan dili mahadlok kay kung mahadlok ka, daug na sila,” pahayag ni Moreno.

Gihangyo usab pagbalik ni Moreno ang katawhan sa siyudad nga motaho dayon kon aduna’y mamatikdang mga kadudahang tawo.

“Again we need the cooperation of everyone, naa’y mga suspicious looking elements please abiso diretso,” dugang niini.