GIHATAGAN og usa ka semana sa Cebu City Government ang 22 ka mga tag-iya sa pagboluntaryo og demolish sa ilang estruktura nga nasulod sa three-meter-easement sa Barangay Pasil, sugod Enero 25, 2020.

Kini ang gipahibawo ni Konsehal Jerry Guardo, chairman sa committee on infrastructure, human una silang gihatagan og higayon nga makasaulog sa kapistahan ni Señor Sto. Niño wala dayon gipapahawa sa dapit.

Ang paghawan sa three meter easement zone sa Pasil mao ang paghatag og agianan para makabuylo ang flood control project sa Department of Public Works and Highways (DPWH) 7 nga gipaagi sa City Hall kansang mga balay naa nagpatong sa kilid sa Guadalupe river.

Samtang, si Guardo nagkanayon nga 100% na nga kumpleto ang clearing operation sa Mambaling ug 80% na ang Tinago-Tejero kansang proyekyo ipatuman gihapon sa maong mga barangay.

“So far ang Tejero adunay 22 ka balay, 48 sa barangay Tinago ug 18 sa Mambaling diin ang parte sa ilang estruktura naa gyud kilid sa sapa,” matod pa ni Guardo.

Ang konsehal nagkanayon nga nakahatag na og financial assistance ang City Hall ngadto sa mga apektadong pamilya kinsa maoy tag-iya sa balay sanglit unang amahayag nga dili sila mohawan kon walay ayuda nga madawat ang tagbalay.

Si Guardo nibutyag nga ang flood control project sa DPWH ug katambayayong niini ang Cebu City manukad gikan sa baba sa dagat paingon na sa ibabaw nga bahin sa kasapaan. (PAC)