NIKABAT sa 35 ka sakop sa Criminal Investigation and Detection Group (CIDG) 7 lakip sa ilang stricker ug utility personnel ang gipaubos na sa swab test kagahapon, Hulyo 9, sa buntag sa Police Regional Office (PRO) 7.

Si Major Ronald Allan Tolosa, deputy chief sa CIDG 7 nga nahinabi sa Superbalita Cebu, nagkanayon nga alas 8:00 sa buntag nagsugod ang swab test ug nahuman sa pagkaudto.

Matod niya nga ilang gipa-swab test ilang personnel ug mga stricker uban sa utility workers aron pagsiguro nga luwas pa sila sa Covid-19.

Kini human nasutang positibo sa Covid-19 ang ilang walo ka personnel nga una nang gipa-swab test niadtong miaging semana.

Matod niya nga ilang paabuton ang resulta sa swab test nga maoy basihan unya niya sa status sa ilang buhatan.

Sa pagkakaron, ang ilang personnel nakalain sa ilang tagsatagsa ka dapit ug mo-duty lang sila kun dunay importanting nga gimbuhaton, samtang abli gihapon ilang buhatan pinasubay gihapon sa health protocol.

Gibutyag ni Tolosa, nga apil siya sa unang na swab test apan mapasalamaron siya sa ginoo nga nigatibo ang sa iyang swab test.

Ang ilang walo ka sakop nga posotibo nagpadayon karon ang medication alang sa pagpahimsog sa ilang kalawasan.

Subay niini, gipahibalo sab niya nga ang ilang direktor nga si Police Col. Romel Ochava ninando na usab nga ang 15 nila ka persons under police custody (PUPC) ilaha sab nga ipaubos sa swab test sa madaling panahon aron pagsuta sa ilang kaluwasan.

Ang ilaha nalang gipaabot ang schedule sa taga Regional Health Service sa pagpahigayon sa maong test. (GPL)