LIMA ang nadakpan sa gihimong pagpangronsa sa mga operatiba sa Provincial Intelligence Branch (PIB) ug Provincial Drug Enforcement Unit (PDEU) sa dakbayan sa Talisay kagahapon sa buntag. Oktubre 30.

Si PMaj.Marlu Conag, pangu sa PIB, maoy nangu sa maong pag pang ronda didto sa Sitio Tambis, Barangay Pooc, Talisay nga mi resulta sa pagkasikop sa lima.

Giila ni Conag ang mga dinakpan nga sila Areche Bolo, 42, gihulagway nga sinaligan sa bataan ni Arglu Jake Garces ang kanhi kapuyo ni Jocelyn Encila.

Wala una gipahibalo ni Conag ang maong drug personality nga ilang sunod nga dakpon.

Samtang, laing upat nga nadakpan nga sila Abner Alforque 58, kanhi drayber sa maong drug personality; Jesson Evangjelio, 34; kustomer, Dennis Laborada, 36, kinsa hitman sa maong drug personality ug usa ka babaye nga giila nga si Chona Bacaresas, 37 .

Si Bolo,Evangjelio taga Barangay Pooc. Samtang, si Alforque taga lungsod sa Minglanilla ug Bacaresas nga taga Barangay Lagtang sa dakbayan sa Talisay.

Moabot sa dul-an sa 50 mil pesos ang kantidad sa shabu nga nasakmit sa mga operatiba atol sa gihimong pagpang ronda.

Gihulagway ni Conag nga si Laborada maoy suguon sa iyang agawon kon dunay ipapatay nga mga kaatbang sa iyang negosyo.

Apan si Laborada, dihang nahinabi sa Superbalita Cebu, nihimakak sa alegasyon nga usa siya ka hitman, apan iyang giangkon nga nakapatay na siya sa nag-edad pa og 17 anyos hinungdan nga nagtagotago siya gikan sa mga awtoridad. (BBT)