SI TFO3 Emerson Arceo, duty investigator sa sunog sa dan Junquera sa Barangay San Antonio, siyudad sa Sugbo niadtong Sabado sa hapon, Enero 16, mipatin-aw sa Superbalita Cebu nga ang insaktong pangan sa namatay sa sunog mao si Floilan Daarol, 24, ug usa sa mga nag-abang sa nasunog nga edipisyo.

Unang nahatag nga pangalan sa Arson Investigation Divison sa Cebu City Fire Department nga usa ka Estrilito Baiño, 35, kinsa maoy una nga pangan nga nahatag sa mga nagpuyo sa maong edipisyo nga mao usab ang ilang nahatag nga pangalan sa Parian Police Station-1.

Kalit nga miulbo ang sunog sa nahisgutang lugar niadtong adlawa nga miresulta sa pagkaugdaw sa usa ka three storey nga karaang edipisyo. Samtang moabot usab ngadto na sa P300,000 ang danyos sa sunog.

Patay si Daarol samtang nakaangkon usab og first degree burn si Engel Mandaue, 26, usa gihapon ka border ug Vicenta Cabaguas, 62, caretaker sa nasunog nga building. (BBT)