Nipasidaan si re-elected Lapu-Lapu City Mayor Junard ‘Ahong’ Chan sa iyang konstituwente bahin sa giingong scammer nga nagpaila nga staff sa mayor nga giingong mo-facilitate sa ganti sa mga mananaog sa iyang online contest.

Sa iyang Facebook post kagahapon, Mayo 15, si Chan nitambag sa Oponganons nga dili motuo sa tawag sa mobile phone. “Ilang sulti nakadaog daw mo sa akong pa-premyo online pero para imo kining makuha, kinahanglan nga mohatag ka sa OTP (One Time Password) sa imong GCash account,” matod sa mayor, nga usa kini ka dakong scam.

“Dili kita patunto sa maong modus...,” dugang sa iyang post.