DI DALI-DALION, kinahanglang tun-an aron makapatuman og mga pamaagi nga magsubay kanunay ang mga PUJ driver sa mga health protocol taliwa sa padayong hulga sa coronavirus disease (Covid-19).

Mao kini ang awhag ni Police Regional Office 7 Director Brigadier General Albert Ignatius Ferro kang Cebu City Mayor Edgardo Labella.

Gusto ni Ferro nga magtagbo sila ni Labella aron matun-an pag-ayo ang pagtugot sa pagbalik sa pagpabiyahe sa tradisyunal nga PUJ.

Ang desisyon kinahanglan nga adunay pagtugot gikan sa Inter-Agency Task Force diin usa si Ferro sa mga miyembro isip commander sa Regional Joint Task Force-Central Visayas Covid Shield.

“So, if our local governments are willing to take that risk, we at the security cluster, would like to re-calibrate those risk. With these jeepneys being allowed, we have to come up with a best analysis on this and come up with best courses of actions because we cannot allow mobalik pa ba ta sa ECQ,” matod ni Ferro.

Kinahanglan kining tun-an, dugang niya.

UYON

Si Labella, sa iyang bahin, uyon sa sugyot ni Ferro nga tun-an una og maayo ang pagtugot sa mga PUJ makabalik sa karsada.

Si Labella niingon nga bisan kon ang Jeepney Task Force nirekomendar na, nagpadayon ang evaluation sa mayor’s office.

“There is a continuing study and evaluation, of course taking into considerataion the circumstances, and find out the body language of the people if they are compliant, if they have imposed self-discipline among themselves, the attitude, we will try to observe the attitude of the people,” matod ni Labella sa phone interview sa Nobiyembre 4, 2020. (dugang taho ni JJL)