Siradoan na ang tanan nga mga internet cafes sa lungsod sa Balamban sugod karon Hulyo 28 samtang dili na usab pagawson ang tanan nga mga batan-on nga nag edad 15 paubos subay sa giluwatan nga kamandoan ni Balamban Mayor Alex Binghay.

Giluwatan ni Binghay ang Executive Order No. 14 sa Hulyo 27 aron pahugtan ang pagpatuman sa mga health protocol sa lungsod pag pugong sa pagkuyanap sa Covid-19 sa lungsod.

“Ang labing tinguha sa lokal nga pangagamhanan sa lungsod sa Balamban mao ang pagpugong sa pagkatag sa COVID-19 ilabi na sa bag-ong klase niini nga gituhuan nga mas peligro,” matod sa LGU.

Ang mga internet shops gikinahanglan una nga mopaubos sa pagsusi sa kagamhanan ug sa kapulisan kon makapasar ba kini sa safety seal inspection. (ANV)