BATO, LEYTE - Nasikop sa Philippine Drug Enforcement Agency (PDEA) 8 ug kapulisan ang usa ka magtutudlo gumikan sa ilegal nga drugas.

Giila ang suspek nga si Lou Perez, 36, dunay kapuyo ug taga Barangay Tabunok, Bato, Leyte.

Ang suspek nakalista sa PDEA isip high value target gumikan kay usa kini ka magtutudlo.

Positibo ang gihimong pagpaniid sa mga awtoridad hinungdan sa paglusad sa buy bust operation.

Nasakmit ang tulo ka pakete sa gituhoang shabu nga dunay kantidad nga P3,400.

Nasikop usab sa awtoridad sa Catbalogan City ang tulo ka tinun-an ug nakuhaag marijuana.

Giila sila nga si John Adrian Altamera; Darwin Cabanganan ug Rane Raplh Gabon. JKDP