ANG maintainance office ug canteen sa University of the Philippines (UP) sa Barangay Lahug, Dakbayan sa Sugbo, naugdaw sa sunog, Martes sa kaadlawon, Hunyo 2, 2020.

Matod ni Senior Fire Office 3 Hermes Molina, investigator sa Cebu City Fire Department, nagsugod ang kayo sa maintainance office ug napagan ang canteen mga alas 2:57 sa Martes sa kaadlawon.

Ang kayo hingpit nga napawong mga alas 3:29. Usa ka Zenaida Tabucanon, 50, nakaangkon og gamay nga samad sa liog sa pagdinagan.

Sutaon pa ang hinungdan sa sunog nga nidanyos og P80,000. (BBT)