Duha ka online sellers ang nangailad sa nagpatuong si Cebu City Councilor Dave Tumulak sa Huwebes sa buntag, Enero 14, 2021.

Gawas nga nag-order og embutido ug crab meat, nagpa-load pa og P300.

Apan ang ikaduhang seller nailad og mas dakong kantidad.

Matod ni Tumulak nga ang scammer unang ni-order og 70 ka crab meat ug 18 ka imbutido ug nimando pa sa tigluto nga lodan siya og P300.

Si Tumulak nga nahinabi sa Superbalita Cebu niingon nga sa unang pagpangilad, gipahibawo siya ni Romeo Medequillo, taga Santa Teresa Village, Barangay Tisa, Dakbayan sa Sugbo nga dunay nagdala sa iyang ngan.

Matod ni Medequillo sa laing interbyu sa Superbalita Cebu nga ang giorderan sa mangingilad mao ang iyang bayaw nga namaligya og embutido ug crab meat. Nagpa-load pa kini og P300 aron kunohay makatawag siya sa seller kay iyang kuhaon ang gi-order. / REV